thepoetslizard
Full Member
member is offline
Joined: Jul 2008
Gender: Female 
Posts: 104
Karma: 0 |  | Lilia F. Antonio
« Thread Started on Oct 10, 2008, 4:04pm » | |
Lilia F. Antonio
Bio from the Panitikan website
www.panitikan.com.ph/authors/a/lfantonio.htm
"Maya"
habang nakababad
sa umaasong swimming pool
sa umagang bago pa man sumilay ang araw
tinatanaw kitang nakadapo sa sanga
nag-iisa
pumapalibot ang tingin
sa matayog na niyog,
at nahihinog sa buwig ng saging
saan patutungo?
alin ang pipiliin:
bumabalik sa ilang kasamang
nakapila sa kawad, o,
patuloy na lumilipad
sa isang naiiba’t
bagong landas?
sa biglang pagbugso ng hangin
nawalan ng panimbang
tulirong napabitiw
di na malaman
kung saan susuling.
27 Agosto 2000
*
"Cellfone"
Noon.
Parang talang sinusungkit ko
ang cel # mo.
Gusto kong mai-forward ang msgs.
Pix msg, grafx na kumukutitap, green jks, trivias,
quotes, pryers, reflctxns, songs
dat apirs AM, PM, dey n nayt sa cellofne ko
2 let u knw dat I hvent 4goten u.
Pero, laging service not available.
Ngayon, na-dscober ko
txtmate ay d sinusungkit
di kailangang mangulit ni magpumilit
malayang pagkakaibigan
libreng nakakamit
kaya no more space for messages
sa cellfone mong ipinagkakait.
16 Abril 2001
*
"Kring-Kring"
ang pagtawag sa telepono
sa taong marapat ibaon sa limot
ay tulad sa pagkutkot ng sugat.
habang tinutuklap
ay tumitigas na langib
kay-kati,
kay-sarap.
subalit kapag nalantad
ang mamula-mulang laman
muling nadarama
ang pagnaknak
ang hapdi,
ang sakit,
ang hirap.
15 Mayo 2000
Web source:
www.panitikan.com.ph/poetry/maya.htm
![[image]](http://shayepoet.com/conference/authors/AmbahanonBambooslide1c.jpg "[image]")
| |
|
![[Search This Thread]](http://images.proboards.com/search2.gif "[Search This Thread]")
![[Share Topic]](http://images.proboards.com/new/buttons/share.png "[Share Topic]")
![[Print]](http://images.proboards.com/buttons/print.gif "[Print]")
Author
Logged